ئەم توێژینەوەیە چەمکی “جینۆسایدی نەرم” (Soft Genocide) وەک چوارچێوەیەکی تیۆری بۆ شیکارکردنی سیاسەتە سیستماتیک و یەک لەدوای یەکەکانی حکومەتی فیدراڵی عێراق بەرامبەر بە هەرێمی کوردستان بەکاردەهێنێت. بە پشت بەستن بە مۆدێلی “قۆناغەکانی جینۆساید”ی گریگۆری ستانتۆن. توێژینەوەکە بە وردی شیکاری ئەو ڕەفتار و گوتارە سیاسییانەی حکومەتی فیدراڵی عێراق دەکات بەرامبەر بە هەرێمی کوردستان لە دوای ساڵی ٢٠٠٣، کە وەکو نیشانەکانی جینۆسایدی نەرم پێناسە دەکرێن. توێژینەوەکە دەیسەلمێنێت کە کردەوەکانی وەک پەکخستنی ماددە دەستوورییەکان، فشاری ئابووری (لەوانە بڕینی مووچە)، لاوازکردنی سیستەماتیکی دامەزراوەکانی هەرێمی کوردستان ، گوتاری نامرۆڤکردن، و هێرشی سەربازی سنوردار، تەنها ململانێی سیاسیی ئاسایی نین. بەڵکو بەشێکن لە پرۆسەیەکی درێژخایەن کە ئامانجی لەناوبردنی بنەماکانی مانەوەی سیاسی، ئابووری و کولتووریی هەرێمی کوردستان-عێراقە. مێژووی جینۆساید لە عێراقدا (جینۆسایدی فەیلییەکان، بارزانییەکان، ئەنفال و کیمیابارانی هەڵەبجە) چوارچێوەیەکی مەترسیدارتر بەم کردە نەرمانە دەبەخشێت و وایان لێدەکات وەک درێژکراوەی هەمان لۆژیکی جینۆساید سەیر بکرێن، بەڵام بە ئامرازی جیاواز. توێژینەوەکە جەخت لەسەر ئەوە دەکاتەوە کە دیاریکردنی ئەو کردانە وەک جینۆسایدی نەرم دەرفەتێکی گرنگ دەڕەخسێنێت بۆ ڕێگریکردن لە جینۆسایدی رەق- فیزیکی
ناوى سیانى : شەن عوسمان قادر
لە دایکبوون: ١٩٨٤
شوێنى نیشتەجێ بوون: میران ستى– سلێمانى.
ئاستى خوێندن: ماجستێر لە زانستە سیاسییەکان/ زانکۆیی سلێمانى
نازناوى زانستى: مامۆستایی یاریدەدەر
مامۆستایی یاریدەدەر لە بەشى پەیوەندییە گشتیەکان و بازارگەرى/کۆلێژى تەکنیکى کارگێرى/ زانکۆى پۆلیتەکنیکى سلێمانى.
دکتۆر ڕێبوار ڕەوف صالح
دکتۆرا : زانکۆی کامبرج –کولێژی داروین - بەریتانیا
ماستەر: کۆلێژی بیرکبێک لە زانکۆی لەندەن
بکالوریوس: کۆلێژی بیرکبێک لە زانکۆی لەندەن -سیاسەتی جیهانی و پەیوەندییە نێودەوڵەتییەکان (٢٠١٥)
پسپۆرە لە زانستی سیاسی و داڕێژەری پۆڵەسییە و حوکمڕانییە،
مامۆستایە لە زانکۆی هەڵەبجە.
ناوی چواری : ئاریان رووف عزیز محمود
بروانامە و پلەی زانستی ئەرکی ئەکادیمی :
- پرۆفیسۆری یاریدەر
- دکتۆرا : پەیوەندیە نێودەوڵەتیەکان کۆلێژی زانستە رامیاریەکان - زانکۆی سلیمانی ٢٠٢٤
- ماستەر: لە بەشی دیراساتی نێودەوڵەتی کۆلێژی زانستە سیاسیەکانی لە زانکۆی بەغداد بە پلەی (زۆرباش باڵا) لە ساڵی ٢٠٠١٣ .
- بکالوریوس: زانستە سیاسیەکانی کۆڵێژی یاساو رامیاری زانکۆی سەلاحەدین لە ساڵی ٢٠٠٢.
- سەرۆکی بەشی سیستەمە سیاسیەکان و سیاسەتی گشتی لە زانکۆی گەرمیان.
- مامۆستا لە بەشی یاسا لە زانکۆی گەرمیان
- ئەندامی دەستەى نوسەرانی گۆڤاری ئاران لە زانکۆی گەرمیان.
